USP.DLL ནི་རྒྱལ་སྤྱིའི་གཅིག་གྱུར་གྱི་ཨང་རྟགས་ཡོད་པའི་བོད་ཡིག་འཐོར་འཁྱོལ་མི་འགྲོ་ཆེད་བཟོས་པ་ཞིག་ཡིན། Windos Visita ལ་ལྷན་སྐྱེས་སུ་ཡོད་པས་དམིགས་བསལ་གྱི་ནང་འཇུག་བྱེད་མི་དགོས། Windows XPཡིན་ཚེ་དྲ་རྒྱ་དང་། དེབ་གཟུགས་སྒྲིག་སྦྱོར་སོགས་ལ་རྒྱལ་སྤྱིའི་གཅིག་གྱུར་ཨང་རྟགས་ཡོད་པའི་བོད་ཡིག་ཤར་དགོས་ཚེ་ངེས་པར་ USP.DLL ནང་འཇུག་བྱེད་དགོས། ནང་འཇུག་བྱེད་ཚུལ་ནི་དཔེར་ན། ཁྱེད་ཀྱིས་རྒྱལ་སྤྱིའི་གཅིག་གྱུར་ཨང་རྟགས་ཡོད་པའི་དྲ་རྒྱ་ཞིག་སྒོ་ཕྱེས་ན་བོད་ཡིག་གི་བརྩེགས་འདོགས་ཅན་རྣམས་འཐོར་ཞིག་ཏུ་སོང་ཡོད་ན། ཁྱེད་ཀྱི་Progarm File ནང་གི་དྲ་འབྱེད་མཉེན་ཆས་  Internet Explorer ནང་དུ་བླུག་དགོས། དེ་མིན་གལ་སྲིད་ Microsoft Officeཡིན་ཚེ༢༠༠༧་ཅན་ལ་ནང་འཇུག་བྱེད་མི་དགོས། དེ་མན་གྱི་ཐོན་རིམ་ཡིན་ཚེ་ Office11དང་Office10 སོགས་ཐོན་རིམ་རེ་རེའི་ཀླད་ཁམས་ཡོད་སར་བླུག་དགོས། གཞན་ཡང་ Yahoo! Messenger ནང་ལ་ཡང་དེ་མཚུངས་ཀྱི་ Messenger་ཞེས་པའི་ནང་དུ་བླུག་དགོས། དེ་བཞིན་ Skype་གླེང་མོལ་མཉེན་ཆས་ཀྱི་ Phone  ཞེས་པའི་ནང་དུ་སྒྲིག་འཇུག་བྱས་ན། ཁྱེད་ཀྱིས་བཀོལ་སྤྱོད་བཞིན་པའི་བོད་ཡིག་དེ་རྒྱལ་སྤྱིའི་གཅིག་གྱུར་ཨང་སྒྲིག་ཅན་གྱི་བོད་ཡིག་ཡིན་ཚེ།  ཡིག་གཟུགས་འཐོར་འཁྱོལ་དུ་འགྲོ་བའི་དཀའ་ངལ་ཡོངས་རྫོགས་སེལ་ཐུབ་ངེས། གླེང་མོལ་མཉེན་ཆས་གཞན་དང་ལས་རིམ་གཞན་ལ་ཡང་རིགས་འགྲེའོ། །  ཁྱེད་ཀྱི་གློག་ཀླད་Windows visita ཡིན་ཚེ་གོང་གསལ་གྱི་སྒྲིག་འཇུག་དེ་ཚོ་དགོས་མེད་ཡིན།